طرق روعة في ترتيب خزانة الملابس واغراض المنزل المختلفة

[toqtoq2000]

السلام عليكم ورحمة الله وبركاته

نخش في الموضوع على طول ..

حبيت أوريكم بعض الشغلات الحلوة والصور المرعبة قبل وبعد لعل وعسى يكون فيها فايدة لكم

يا بنات رجاءً اذكروا الله

ماشاءالله تبارك الله

أول شي باوريكم نظرة عامة لفن الرول اللي نستخدمه في طي الملابس

بالنسبة لي عندي هذي الرفوف البلاستيك اللي تعلق في وسط الدولاب لفيت التي شيرتات والبديهات كلها

رولات وصفيتها بالشكل اللي في الصورة خصصت اثنين منها للي لها أكمام واثنين للي بدون أكمام وكل ما بغيت

أي قطعه ألقاها قدامي واضحة وأفتك من غثا الحوسة وزحمة الملابس مهما كانت كثيرة





وإذا كان ما عندك إمكانية تحطين مثل هالرفوف في الدولاب ممكن تستخدمين الصناديق العادية سواء من إيكيا أو غيره

أنا أول ما بديت أستخدم هالطريقة قبل ثلاث سنوات كنت أصفها في شبك الفواكه البلاستيك بعد ما بطنته بقماش

وهذي الطريقة بصفها في العلب

حلوة صح ؟


الحين بابدا معكم سلسلة قبل وبعد << مصرة على الفضايح

هذا درج ملابس عندي كانت هذي حالته قبل



وشوفوا الفرق بعد الترتيب



وسويت حركة حلوة قبل ما أصفها فرشت تحتها مفرش بيبي نظيف وبخيت عليه عطرين أحبهم بالاضافة

لعطر أوشن الخاص بالجسم طلعت ريحة الدرج حلللللوة والأحلى اني كل ما طلعت قطعة البسها فاحت ريحة العطور

هذا درج الشنط عندي والايشاربات و كل شي يعني باختصار درج الحووووسه



شايفين الشنط كيف فوق بعضها ومتعفطة وحالتها تجيب المرض

أول شي جبت الشنط اللي تأثرت بالضغط وحشيتها بالايشاربات بعد ما لفيتها على شكل رولات



الحين استعادت شكلها الطبيعي



وهذا شكل الدرج بعد الترتيب




هذا صندوق خصصته للجوارب والكيلونات



وهناا شكلها في الدولاب بعد ماكان الرف العلوي مليان بالرعب والحوسه صار شكله يفتح النفس ودي

اطالع فيه 24 ساعه



وهذا دولاب تلفزيون ما نستخدمه نهائيا فكن متخذته للأسف مستودع



ولما جيت أرتبه اكتشفت ان كل الأغراض اللي فيه مالها داعي يعني كراتين فاضية لأجهزة كهربائية

وأبوات ما أستعملها الا في الشتاء ومناديل سفرة وكل شي ماله داعي لقيته فيه فسويت له خروج نهائي

وهذا شكله بعد الترتيب




الحين أجي لواحد من أدراج غرفة النوم فظيع يا بنات تدرون اني نبشت الدرج كله طلع اللي ما يصلح يكون

في هالمكان كل اللي فيه



كل ما فتحته انسدت نفسي وسكرته وأصعب مهمة أسويها اني أدور أي شي فيه أحس انها قمة المأساوية بالنسبة لي

بس رتبته ولله الحمد وجبت أغراض من برا عشان أملا فيها الدرج لأنه ما يصلح يكون فاضي



جبت علبة مجوهرات وفكيت منها المنيكان الداخلي وجمعت فيها أوراقي اللي تمثل لي ذكريات حلوة

والعلبة الزرقاء علبة كريم باراشوت حطيت فيها أدوات الخياطة اللي عندي والباقي واضح لنا يعني كل شي

يبدو للعين المجردة



هذي فكرة أوحت لي بها وحدة أغليها كانت تسألني عن معلاق الملابس اللي يكون طبقات بحيث تعلق فيها

أكثر من قطعه في نفس الوقت ..

جبت معلاقين من هالنوع وحطيتهم فوق بعض ..



ولما جيت أعلق حطيت تنورة وحده في كل معلاق .. طبعاً الفايدة من هالحركة ان الملابس ما تصير متكدسة ف

ي الدولاب وتسوي ضغط وتتعبين وانتِ تفرقين بين الملابس عشان تدورين لك قطعه معينة



هذا درج الجزم الله يكرمكم أغلبها ما أستعمله كثير فحطيت كل فردة فوقها الفردة الثانية بالمقلوب عشان

ما تتأثر بالغبار كثير ويبهت لون الجزمة




هنا بتشوفون ترتيبي لدورة مياه الضيوف الله يكرمكم ,,

شريت رفوف زجاج من ساكو ورتبتها بهالطريقة ..



صورة أقرب



وأقرب



الرف الأول فازة فيها فوط ملفوفة رولات وكرستالات صغيرة وردية + عطر

الرف الثاني تحفة ألرضيتها حطيت فيها قش وصفيت فيها مناديل معطرة ..

الرف الثالث شموع + ورود

والرفين الثاني والثالث فرشتهم بقماش ساتان أبيض طلع أحلى ..

أما هنا فكان عندي هذا الفانوس من ايكيا مرمي في المستودع حطيت في وسطه وردة من الورود الموجودة

في الرفوف وزينته بورق الشجر مثل الصورة ..



وهذي أباجورة حلوة جتني هدية من زهور الريف ساعدني فيها ان لها ممسك من فوق فقدرت أعلقها على الحنفية

وطلع شكلها حلوووووو




وان شاءالله تعجبكم أفكاري وطريقة تنظيمي

لا تنسوني يا بنات من صالح الدعااااااااااااااء



منقول من مصدره الحصري

ضع تعليق بحسابك فى الفيس بوك

[جمالي بايماني]

[wedad]

وعليكم السلام ورحمة الله وبركاته

ما شاء الله

هذه انسانه رائعة جدا

حولت الفوضى لشئ جميل

يسلمو حبيبتي توكا على الطرح الرائع

[&& عبير الورد &&]

مش كل الصور ظاهره عندي

ظهرت بعضها واضح منها الترتيب مشاء الله جميل جداااا


تسلم هالايادي غاليتي توك توك وبارك الله فيكي

[جيكا]

شكرا توكتوك بس الصور اغلبها مش ظاهره عندى

شكرا يا قمر