بالصور تخطيط ( ام عزيزان ) لتفريز شهر رمضان ( طرق كاملة لكل شىء )

[الإستشارية بنت النيل**]

السلام عليكم

موضوع مهم احببت اضافته لكن

من كم يوم وضعت تخطيط لتفريز بعض الاطباق والخضار

وخاصتا التي تاخذ وقت طويل ... والتي لا تتغير في التفريز .... او التي تخرب بسرعه بالثلاجه مثل بعض الخضار

ومنها كالتالي :


الجزر ... والفلفل الاخضر .... والكوسا .... والباميا .... والفاصوليا .... والبزاليا ... والذره...

الجزر: قطعت منه لليخنات ... او المرق او الايدام ... بشكل حلقات كبيره وسميكه ... وبشرت بعضه بالمبشره للشوربات ... وممكن نقطع منه مكعبات صغيره لبعض الحمست او اليخنات







الفلفل الاخضر : قطعته مربعات كبيره ومربعات صغيره ... للحمسات والايادامات وغيرها




الباميا والفاصوليا والذره اشتريها جاهزه ومثلجه

الكوسا : اقطع منها حلقات كبيره للايدام ... اغليها في ماء مغلي .... لمدة 3 دقايق تقريبا ... ولما تبرد اجمدها.... وبعض الكوسا بديت احشيها ... وافرزنها بدون طبخ



الزهره : اقطعها قطع متوسطه ... واغليها في ماء مغلي لمدة 3 دقايق واصفيهاااااا ولما تبرد افرزنها

الليمون : اقشر الليمونه ... واقطع لبها لقطع متوسطه ... وانزع عنها بذورها وعروقها البيضاء ... واعمل من بعض الليمونات شرائح مدوره للتزين ... وطبعا هذا راح يكون عصير مثلج من لب الليمون ... ماغير تضيفي عليه الماء والسكر واذا تحبي بعض اوراق النعناع





وبشر الليمون ممكن تحفظينه للكيك او لاضافته لاي نكهه


الكزبره والاشبنت : انظفهم واغسلهم واخليهم بالمصفى وبعدها افرمهم واحتفظ فيهم باكياس صغيره .... وطبعا عارفين نكهات الكزبره والاشبنت وكيف تضفي طعم رائع للاكل


الطماطم : لعمل صلصة الطماطم


نخلط الطماطم والبصله والفلفل الاخضر والملح في الخلاط... وبعدها نضعها على النار حتى تتجانس جيدا ... ثم تبرد وتوضع في كيس وتحفظ في الفريزر


البصل : البصل، يفرم ويقلب في القليل من زيت الزيتون ويوضع في كيس في الفريزر، للاستعمال، يدق قليلا حتى يتفتت وتأخذ الكمية المرادة

ضع تعليق بحسابك فى الفيس بوك

[الإستشارية بنت النيل**]

خلصنا من الخضار نبتدي في المقليات الاساسيه في رمضان



ومنها السمبوسه ... والسبرنغ رول .... والكبب



السمبوسه انا بصراحه اشتريها جاهزه ... من مطاعم الهنود واقليها بالبيت ... ما اتعب حالي فيها .... ممكن تخليها تدفى اشوي لما ادعلينها من الفريزر وبعدها تقلينها في زيت غزير






والكبب اسويها بالبيت : وطبعا منها كبة البرغل وكبة العدس وكبة العيش وكبة التونه وكبة البطاط وغيرهاااااااااا......توضع في صواني وتكون الكبب متفرقه ... وتدخل الفريزر ولما تجمد تجمع في اكياس او علب .... وعد القلي تقلى مباشرتا ... نضع 3 حبات او اربع منها في زيت غزير وسط ... وعلى نار هاديه ... وحتى تسخن من الداخل





ونتابع



طريقة اللف للسمبوسه



نفرش العجينه بشل المستطيل الطويل ... ونضع الحشوه .. ثم نطوي العجينه كما هو مخطط في الصوره .. وراح يتكون عندنا شكل المثلث



او نعمل نفس هذى الطريقه وهي الطريقه الهنديه ... نص دائره وتطوى ويوضع بداخلها الحشوه ثم تغلق

غلق العجينه

اما يكون بصمغ العجينه وهو عباره عن ماء وطحين

او بالجبن الكاسات

او بالبيضه المخفوقه

طريقة لف السبرينغ رول او شكل الرول









ونتابع

[الإستشارية بنت النيل**]

نجي الحين للفطاااااااااير



الفطاير وعن تجربتي انا جربت تفريزها بطريقتين



الاولى اني شكلتها ودخلتها الفريزر .... بس لما جيت احطها بالفرن ما انفشت معاي وتغير علي طعمها



والطريقه الثانيه وهي الاحسن ان تشكلينها ... وادخلينها الفرن ... وبعد ما اطلعينها تغطينها ... ولما تبرد احفظيها في علب البلاستك ... وبعدها بس سخنيها وراح تصير كانها توك مسويتها


والفطاير كثيره وحشواتها اكثر ... واشكالها اكثر واكثر ماعليك الا اختيار افضل العجائن


وعن تجربتي كان افضلها عجينة الكنز مثل ماسميتها وهي عجينة العشر دقايق واكيد تعرفونها


وعجينة هند الذهبيه راااااائعه الله يجزاها كل خير

وهذى بعض الصور لفطايري للتشجيع















ولا تنسوووووون تسووون الاقماااااااااع لانها فعلا تاخذ وقت وخاصتا اللي عندها عدد من الاقماع بشكل محدود



ونتابع

[الإستشارية بنت النيل**]

بعض النحضيرات المهمه من طحن وحفظ وتجهيز وتجفيف مثل

الشيره او الشربات : اذا كنتي تضبطينها اعمليها بكميه كبيره واحفظيها في برطمان زجاجي واحفظيها بالثلاجه ... واذا مطبخك بارد ومكيف خليها بره مافي مشكله... وان شاء الله راح احط لكم طريقتي في عمل الشيره

السكر : السكر اخذي منه كميه واطحينه ناعم وانخليه واحتفظي فيه في برطمان بلاستك ... واحفظيها بالثلاجه او بالمطبخ اذا كان بارد

الرز : اخذي كم كاس من الرز حسب ماتحبي ... واغسليه وصفييييه ... وبعدها انثريه في الصينيه وخليه ينشف جيدااااااا ... وبعدها اطحنيه واحتفظي فيه للمهلبيه او اي اطباق يطخ فيها الرز الناعم

الطحين : بالنسبه لي اخذ طحين ابيض واحمررره لما يصير بني ... وبعدها انخله واحتفظ فيه بكيسه او بعلبه كبيره

البهاراااااااااات : مهم تتاكدي من جميع البهارات اللي عندك ... وترتبيها في علب تكفيك للطبق والباقي احتفظي فيه بالفريزر

النعناع : اغسليه وصفيه وارتكيه ينشف وبعدها اطحنيه خشن او ناعم براحتك ... يضاف للسلطات او لللبعض الاطباق وغيرها

القمر دين الشرائح : انا انقعه في ماء ساخن حتى يذوب ... يعني في 3 كاسات ماء تقريبا لاني ماقستهم من قبل اعرف للماء من النظر ... وبعدها احطه بالخلاط ... وبعدها احفظه في زجاجات عصير فاضيه ... واخذ منه للعصير ... او لعمل قمر الدين بالنشا

التووووفي : جهزي التوفي على حسب طريقتك وان شاء الله راح احط لكم طريقتي بالتوفي

البقسماط أو الخبز الناشف : البقسماط انا اخذه من بقايا التوست ... احطهم بالفرن لما يتحمرون وبعدها اطحنهم واحطهم في علبه وعلى الفريزر ... الخبز اذا عندي خبز زايد اقطعه مربعات ... واحمره بالفرن ... واحفظه بالكيس وعلى الفريزر

ورق العنب



ورق العنب احشيه ولفيه وحطيه بالفريزر بعد ما تغطينه



وبعدها اخذي القدر وصفي فيه البطاط في القاع وبعدها حطي الورق العنب فوقه واضيفي مائه واطبخيه



وهذى طريقة لف ورق العنب











ونتابع

[الإستشارية بنت النيل**]

الشوربات :



الشوربات ومنها العدس لان طبخ العدس يطول



اطبخي العدس ثم اخذيه على الخلاط وبعدها احفظييييييييه في علب صغيره حتى تعملي منه كم وجبه





وايضا مرق الدجاج او اللحم .... بعد ما تطبخي اللحم او الدجاج احتفظي في مائه بالفريزر واذا حابه تقللي الدهون منه ... خليه بالفريزر اشوي لما يجمد السطح ثم انزعيييييه وراح تكون عندك شوربه قليل الدسم ....







الحلويات



هذى فطيرة تفاح راااااائعه كنت جربتها من احد البنات للاسف ماعندي طريقتها الحين لكن راح ادورها ان شاء الله ... نعمل عجينتها ونحشيها بالتفاح ... وتفرزن ... وبعدها تقلى بالزيت وترش بالسكر والقرفه لذييييييييذه جدا



هذا الحلى سهل وهو من عجينة السمبوسه ويحشى بالتفاح المبشور مع القرفه ويحفظ بالفريزر وبعدها يقلى بالزيت



وهي لفائف جبن الكيري ايضا بعجينة السمبوسه ....



الكنافه تجهز بالزبده وتحشي وتغطى بطبقه اخرى من الشعريه وتحفظ بالفريزر ... والافضل حفظها في اواني القصدير


الدونات ماجربت افرزنها من قبل مع ان شغلها متعب وياخذ وقت بس ان شاء الله اجربها هالسنه

تعمل العجينة وتشكل وتفرز مع وضع طبقة ورق زبدة أو أكياس نايلون بينها حتى لا تلتصق، عند الاستعمال تخرج قبل القلي بساعة ثم تقلى... واحلى دونات جربتها هي دنات دردشة مطابخ


القطايف : اما انك تشتري العجينه جاهزه او تعمليها وتحشينها بالجبن الابيض القليل الملوحه او بجن الكيري او بالمكسرات ....

الميني سمبوسه : تحشى بالجبن او بالتمر او بالمكسرات



خلية النحل : تشكل وتدخل الفرن ... وبعد ما تبرد تدخل على الفريزر



والسينامون يتبع طريقة المعجناااات :


البف باستري ... احشيها بجبن الكيري او المربى .... ودخليها الفريزر



حلى النظارات : وهو من عجينة الباف باستري ترش بالسكر وتطوى من الجنبين وتفرزن

ان شاء الله راح احط لكم طريقته

والجبنه ... لانها تطول في العجن والفرد والتقطيع الاحسن تفريزها...تعجن وتفرد ثم تقطع وتفرزن



الحلى المقرمش : اذا زاد عندك من عجينة السمبوسه قطعيها لشكل مربعات صغيره وفرزنيها ... وبعدها اقليها ورشيها بالشيره والسمسم